مين إحنا
منصة جيل تابعة لتاء ستوديو ولو عندك أي سؤال عن بياناتك كلمنا على واتساب 201028696500 أو من صفحة حسابي
بنجمع إيه
اسمك ورقم الواتساب والبريد الإلكتروني والدولة وإجاباتك في استمارة التقديم وتقدمك وتسليماتك على المنصة وبيانات الدفع اللي بتكتبها زي رقم العملية وصورة الإيصال ونوع جهازك (كمبيوتر أو موبايل) عشان حماية حسابك مش بنحفظ أي بيانات بطاقة بنكية ومش بنطلب أي بيانات أكتر من اللي الخدمة محتاجاها
بنستخدمها في إيه
عشان نراجع طلبك ونتواصل معاك ونحطك في المجموعة المناسبة ونفتحلك المهارات ونأكد مدفوعاتك ونصدر شهادتك ونحمي حسابك من الدخول من أجهزة غريبة
الرسائل التسويقية
رسائل الخدمة زي القبول والدفع وتذكير المهام بتوصلك كجزء من البرنامج أما رسائل العروض والبرامج الجديدة فتقدر توقفها في أي وقت بإنك تكلمنا على واتساب وبنوقفها فورًا
الذكاء الاصطناعي وبياناتك
مش بنستخدم بياناتك ولا تسليماتك في تدريب أي نموذج ذكاء اصطناعي من غير إذنك الصريح وأي محتوى على المنصة اتعمل بمساعدة الذكاء الاصطناعي بنوضح ده
مين بيشوفها
فريق جيل بس وكل واحد على قد دوره المراجع بيشوف التسليمات وفريق المدفوعات بيشوف المدفوعات مش بنبيع أو نأجر بياناتك لأي حد
فين بتتخزن
بياناتك متخزنة على خوادم Google Cloud في أوروبا (بلجيكا) وتسجيل الدخول بيتم عن طريق خدمات Google يعني بياناتك بتتنقل برّه مصر لمقدم خدمة ملتزم بمعايير حماية عالية وده بيتم بموافقتك لما تسجل
الحماية
البيانات مشفرة في النقل والتخزين والوصول ليها محكوم بصلاحيات وكل حركة في لوحة التحكم ليها سجل وحسابك بيشتغل على كمبيوتر واحد وموبايل واحد بس
مدة الاحتفاظ
بنحتفظ ببيانات حسابك طول ما هو شغال ولما تمسح حسابك بياناتك الشخصية وتسليماتك وأجهزتك بتتمسح فورًا أما سجلات الدفع فبنحتفظ بيها المدة اللي القانون بيطلبها للسجلات المالية بس وطلبات التقديم اللي متقبلتش بتتمسح خلال 12 شهر
حقوقك
تقدر تشوف بياناتك وتنزل نسخة كاملة منها من صفحة حسابي وتطلب تصحيح أي حاجة غلط وتسحب موافقتك على الرسائل التسويقية وتمسح حسابك نهائي في أي وقت من نفس الصفحة
أقل من 18 سنة
لو سنك أقل من 18 سنة لازم ولي أمرك يكون موافق قبل ما تقدم أو تدفع ولولي الأمر الحق يطلب يشوف أو يمسح بيانات ابنه في أي وقت
لو حصل تسريب
لو حصل أي اختراق أو تسريب ممكن يأثر على بياناتك بنبلغ الجهة المختصة وبنبلغك خلال 72 ساعة من اكتشافه ونقولك حصل إيه وعملنا إيه وتعمل إنت إيه
التحديثات
لو غيرنا حاجة مهمة في السياسة دي هنبلغك على المنصة قبلها وتاريخ آخر تحديث مكتوب فوق